السلام عليكم.. صباح الخيرات على جميع من يسمعني.. معاكم محمد المهدي.. وانا بسجلكوا بقالي فترة وبكمل معاكوا وطول الوقت هتلاقوني قدر المستطاع في أي وقت أنا ممكن أكون متاح فيه مع شغلى.. بسجل خواطر بصوتي.. بحاول أوصل رسالة خاصة بخبراتي في الحياة بتعاملاتي اللي أنا استفدته من خلال دراستي, من خلال شغلى أو البيزنس بتاعي.. بوصله لكل اللي بيسمعوني وممكن يستفادوا منها.. ودي خواطر أنا بسجلها بصوتي ممكن تلاقوها وانا في العربية, وانا في شركتي, وأنا في بيتي, وأنا قاعد مع أصدقائي.
في النهاية.. ياريت كل اللي بيسمعني توصله رسالة هادفة يستفاد منها.. تحياتي ليكوا.. واتفضلوا...
جات خاطرة في بالي كدة وأنا رايح من مرور الشروق لمرور الدراسة مع حد حبيبي كدة هناك في مرور الشروق.. المهم.. وصلت من خلال كلامه المفهوم المعنى اللي عاوزه يوصل للناس كلها.. متع الحياة مراحل.. كل مرحلة بنعشها في عمرنا ليها متعة خاصة بينا.. فعشان كدة كل واحد فينا ميفكرش أن المتعة اللي في ايده دلوقتي هي اللي هتستمر لحد مايموت.
زي مثلا واحد بيحب الستات او بيحب يتجوز كتير او بيحب المرأة بشكل عام فبيستمتع بالمرأة ففاكر انه مثلا على سن التلاتين والخمسة وتلاتين والأربعين والخمسين والستين هيفضل يستمتع بالإحساس والمتعة دي.. هي الحقيقة لا.. كل مرحلة عمرية لها متعة معينة خاصة بها.. بعني أنت بتحب الست في القرب لحد سن معين.. الست برده بتحب الراجل في القرب لحد سن معين.. بعد كدة طريقة التفكير بتاعتها أو بتاعته هتتغير..
ان كل واحد فينا هيبص للحياة بنظرة تانية على حسب تغير العمر وبالتالي ممكن بعد الأربعين تلاقي الراجل مبقاش يفكر في موضوع الست والقرب والكلام ده أكتر من أنه بيفكر في أولاده أو بيفكر في استقرار عياله او يفكر في انه يطور من نفسه في حاجة معينة يقرب فيها عشان كدة تلاقوا برده ناس عندهم خمسين وخمسة وخمسين يقولوا بس خلاص احنا زهدنا من الحياة عاوزين بقى نتعبد في الجامع ويروح المسجد ويفضل قاعد في المسجد.
فأنا بس عاوز أوصل رسالة من الكلام ده.. يا جماعة كل مرحلة عمرية بنعيشها لها متعتها فمش عاوزين نستغرب نفسنا لو مشاعرنا اتغيرت من حاجة.. بالعكس.. نعيش متعة الحاجة الجديدة اللي مشاعرنا عاشتها.
صباح الفل عليكوا.. السلام عليكم...
By Mohamed Elmahdy
للإستماع إلى الفيديو لهذا الموضوع اضغط هنا
ولمتابعتنا على اليوتيوب اضغط هنا
ولمزيد من المعلومات عن اعرف نفسك اضغط هنا
موضوعات ذات صلة:
كل ما يخص التنمية البشرية اضغط هنا
.jpg)
Copy Right 2018
